Qazaqstan Respýblıkasy Qarjy mınıstrliginiń buıryǵy  №141

2015 jylǵy 27 aqpan, Astana qalasy Memlekettik kásiporyndar, daýys eretin aksııalarynyń (jarǵylyq kapıtalyndaǵy qatysý úlesteriniń) elý jáne odan da kóp paıyzy memleketke tıesili zańdy tulǵalar jáne olarmen úlestes zańdy tulǵalar olardy keıinnen qaıta óńdeý maqsatynda satyp alatyn taýarlardyń tizbesin bekitý týraly «Memlekettik satyp alý týraly» Qazaqstan Respýblıkasynyń 2007 jylǵy 21 shildedegi Zańynyń 14-baby 9) tarmaqshasyna sáıkes buıyramyn: 1. Qosa berilip otyrǵan Memlekettik kásiporyndar, daýys beretin aksııalarynyń (jarǵylyq kapıtalyndaǵy qatysý úlesteriniń) elý jáne odan da kóp paıyzy memleketke tıesili zańdy tulǵalar jáne olarmen úlestes zańdy tulǵalar olardy keıinnen qaıta óńdeý maqsatynda satyp alatyn taýarlardyń tizbesi bekitilsin. 2. Qazaqstan Respýblıkasy Qarjy mınıstrliginiń Memlekettik satyp alý zańnamasy departamenti (S.M. Ahmetov) belgilengen tártippen: 1) osy buıryqty Qazaqstan Respýblıkasy Ádilet mınıstrliginde memlekettik tirkeýdi; 2) osy buıryq memlekettik tirkelgennen keıin kúntizbelik on kún ishinde ony merzimdi baspa basylymdarynda jáne «Ádilet» aqparattyq-quqyqtyq júıesinde resmı jarııalaýǵa jiberýdi; 3) osy buıryqty Qazaqstan Respýblıkasy Qarjy mınıstrliginiń ınternet-resýrsynda ornalas­tyrýdy qamtamasyz etsin. 3. Osy buıryq alǵashqy resmı jarııalanǵan kúninen keıin on kúntizbelik kún ótken soń qoldanysqa engiziledi. Mınıstr B.Sultanov. Qazaqstan Respýblıkasy Qarjy mınıstriniń 2015 jylǵy 27 aqpandaǵy №141 buıryǵymen bekitilgen Memlekettik kásiporyndar, daýys beretin aksııalarynyń (jarǵylyq kapıtalyndaǵy qatysý úlesteriniń) elý jáne odan da kóp paıyzy memleketke tıesili zańdy tulǵalar jáne olarmen úlestes zańdy tulǵalar olardy keıinnen qaıta óńdeý maqsatynda satyp alatyn taýarlardyń tizbesi 1. Aýyl sharýashylyq taýarlary: 1) bıdaı jáne meslın: qatty bıdaı; egiske arnalǵan spelta; basqa da speltalar, jumsaq bıdaı jáne tuqymdyq meslınder; 2) qara bıdaı; 3) arpa; 4) shıtti maqta; 5) taralmaǵan maqta talshyǵy; 6) maqta talshyǵy, taralǵan nemese taraqpen taralǵan; 7) maqta tuqymy; 8) raps, raps tuqymy. 2. О́nerkásip taýarlary: 1) tantal synyǵy; 2) qara jáne tústi metaldar men olardyń qorytpalary; 3) qara jáne tústi metaldar men olardyń qorytpalarynan jasalǵan buıymdar: jazyq (tabaq, taspa, folga), suryptyq (sheńber, shybyq, burysh, tórt burysh, alty qyrly, shveller, tavr, dvýtavr) ılekter, qubyrlar, tútiksheler; 4) súrek, aǵash materıaldary; 5) munaı; 6) etılbenzol; 7) stırol; 8) pentan; 9) ızo-pentan. Buıryq Qazaqstan Respýblıkasynyń Ádilet mınıstrliginde 2015 jylǵy 8 sáýirdegi Normatıvtik quqyqtyq kesimderdi memlekettik tirkeýdiń tizilimine №10645 bolyp engizildi.